Қазақ тілін меңгеру деңгейін анықтаудың онлайн-сервисі

QRT тестілеу тәртібі

Тест тапсыру үшін, алдымен, сайтқа тіркеліп, тест ақысын төлеу қажет.

Тест 4 бөлімнен тұрады: тыңдалым, лексика-орфография, жазылым және сұхбат. Тест ұзақтығы 30 минут.

• «Тыңдалым» – 5 минут (бір тапсырма және 5 тест);
• «Лексика-орфография» – 10 минут (10 тест);
• «Жазылым» – 10 минут (нақыл сөз бойынша 5 сөйлемдік мәтін);
• «Сұхбат»  – 5 минут (берілген 3 сұраққа аргументті жауап беру).

Тестілеуге уақыт бөліңіз. Жағдайға назар аударыңыз. Сізге ештеңеге алаңдамайтын және тест тапсырмаларына толығымен назар аударатын тыныш және ыңғайлы орынды таңдауыңыз қажет.

Тестілеуден өту уақытын өзіңіз таңдай аласыз. Тестілеу толығымен онлайн режимінде өткізіледі және әлемнің кез келген нүктесінен 24/7 қолжетімді.

Тест тапсырғаннан кейін «Іріктеу кезеңдері» бетінде «Тыңдалым» және «Лексика-орфография» бөлімдерінің нәтижелері бірден көрсетіледі. «Жазылым» және «Сұхбат» бөлімдерінің нәтижелері екі жұмыс күні ішінде анықталады. Тест нәтижесі көрсетілген сертификатпен жеке кабинетіңізде танысып, жүктей аласыз.

QAZAQ RESMI TEST дегеніміз не?

QAZAQ RESMI TEST - қазақ тілін меңгеру деңгейін анықтаудың онлайн-сервисі. Ресми-іскерлік қазақ тілі мемлекеттік органдар, коммерциялық компаниялар мен өзге де ұйымдарда қызмет жасау үшін қажет.

QAZAQ RESMI TEST  - бұл онлайн тест. Тілді меңгеру деңгейін бағалаудың дәстүрлі әдістеріне қарағанда, онлайн режимінде, өз компьютеріңізден, кез келген уақытта, ыңғайлы жағдайда тапсыруға болады.

QAZAQ RESMI TEST әдіснамасы тілді деңгей бойынша оқыту тұжырымдамасына сәйкес және орта білім берудің мемлекеттік жалпыға міндетті стандарты, «Қазақ тілі» пәнінің жаңартылған мазмұндағы типтік оқу бағдарламалары негізінде әлемдік тәжірибені ескере отырып әзірленді және орфография, тыңдалым, оқылым, жазылым және қазақ тілінің ресми-іскерлік стилінде сөйлеу бойынша жоғары оқу орнынан кейінгі нормаларды қамтиды.

Тұжырымдамада баяндалған оқыту жүйесі ересек Жоғары оқу орнынан кейінгі аудиторияның қазақ тілінің ғылыми, ресми, публицистикалық стильдері бойынша дәйекті мәтінді (баяндамалық, талдама-сараптамалық) құрастыру, түрлі көлемде көпшілік алдында сөйлеу дағдыларын деңгейлеп меңгеруге бағытталған.

Бұл тәсіл тілді меңгеру деңгейін тілдік біліммен қатар, ресми-іскерлік жазылым және сөйлеу деңгейін де анықтауға мүмкіндік береді.

QRT тапсыруға дайындық

QAZAQ RESMI TEST тапсыру үшін арнайы дайындық қажет емес. Сізге тек 30-45 минут бос уақытыңызды жоспарлап, компьютеріңізді, жақсы жұмыс істейтін микрофоныңызды дайындап қоюыңыз қажет және кемінде 5 мб/сек жылдамдықты тұрақты интернет болуы керек.

Егер сізге арнайы кеңес қажет болса, QAZAQ RESMI TEST-ке дайындық курстарын Қазақстан Республикасы Президентінің жанындағы Мемлекеттік басқару академиясының жоғары білікті оқытушылары жүргізеді. Бұл дайындық курстары 36, 72 сағатқа есептелген және онлайн жүргізіледі. Сабақ кестесі білім алушылармен келісіледі.

Анықтама телефондары: 8 (7172) 75-32-70
Академия сілтемесі

QRT тапсыруға техникалық дайындық

Веб-камерасы және микрофоны бар компьютер
Тестілеуден өту үшін сізде жұмыс істейтін веб-камерасы мен микрофоны бар жарамды компьютер болуы керек. Смартфон қолданбаңыз. Тестілеуді тек компьютерден өту ұсынылады.

Интернет
Тестілеуден онлайн режимінде өту үшін кемінде 5 мб/сек жылдамдықпен тұрақты интернет болуы маңызды. Егер интернет жылдамдығы 5 мб/сек кем болса, онда автоматты түрде тестілеуге жіберілмейсіз.

Жабдықты тексеру
Жабдықты тексеру тестілеудің әр кезеңі алдында автоматты түрде басталады. Камераның, микрофонның жұмыс күйі және интернет жылдамдығы тексеріледі. Егер осы компоненттердің кем дегенде біреуі жұмыс істемесе, тестілеуге жіберілмейсіз. Бұл жағдайда ақаулы компонентті, мысалы, жұмыс істейтін веб-камераға немесе микрофонға ауыстыруыңыз керек. Ал егер интернет жылдамдығы 5 мб/сек-тен аз болса, қажетті жылдамдықпен тұрақты интернеттің басқа көзін табуыңыз керек.