Қазақ тілін меңгеру деңгейін анықтаудың онлайн-сервисі

QRT тестілеу тәртібі

Тест тапсыру үшін, алдымен, сайтқа тіркеліп, тест ақысын төлеу қажет.

Тест ұзақтығы 60 минут.

• «Тыңдалым» – 10 минут (1 тапсырма және 5 сұрақ);
• «Лексика-орфография» – 10 минут (10 сұрақ);
• «Оқылым» – 15 минут (10 сұрақ);
• «Жазылым» – 15 минут (аргументті мәтін құрастыру);
• «Сұхбат»  – 10 минут (қойылған сұрақтарға аргументті жауап беру).

QAZAQ RESMI TEST дегеніміз не?

QAZAQ RESMI TEST — қазақ тілін меңгеру деңгейін анықтаудың онлайн-сервисі. Ресми-іскерлік қазақ тілі мемлекеттік органдар, коммерциялық компаниялар мен өзге де ұйымдарда қызмет жасау үшін қажет.

QAZAQ RESMI TEST — бұл онлайн тест. Тілді меңгеру деңгейін бағалаудың дәстүрлі әдістеріне қарағанда, онлайн режимінде, өз компьютеріңізден, кез келген уақытта, ыңғайлы жағдайда тапсыруға болады.

QAZAQ RESMI TEST әдіснамасы тілді деңгей бойынша оқыту тұжырымдамасына сәйкес және орта білім берудің мемлекеттік жалпыға міндетті стандарты, «Қазақ тілі» пәнінің жаңартылған мазмұндағы типтік оқу бағдарламалары негізінде әлемдік тәжірибені ескере отырып әзірленді және орфография, тыңдалым, оқылым, жазылым және қазақ тілінің ресми-іскерлік стилінде сөйлеу бойынша жоғары оқу орнынан кейінгі нормаларды қамтиды.

Тұжырымдамада баяндалған оқыту жүйесі ересек Жоғары оқу орнынан кейінгі аудиторияның қазақ тілінің ғылыми, ресми, публицистикалық стильдері бойынша дәйекті мәтінді (баяндамалық, талдама-сараптамалық) құрастыру, түрлі көлемде көпшілік алдында сөйлеу дағдыларын деңгейлеп меңгеруге бағытталған.

Бұл тәсіл тілді меңгеру деңгейін тілдік біліммен қатар, ресми-іскерлік жазылым және сөйлеу деңгейін де анықтауға мүмкіндік береді.

Жүйе тұрақты жұмыс істеу үшін ТЕК Chrome браузерін қолдану керек. Сіз Chrome-ды осы жерден жүктей аласыз.

QRT тапсыруға дайындық

QAZAQ RESMI TEST тапсыру үшін арнайы дайындық қажет емес. Сізге тек 60 минут бос уақытыңызды жоспарлап, компьютеріңізді, жақсы жұмыс істейтін микрофоныңызды дайындап қоюыңыз қажет және кемінде 5 мб/сек жылдамдықты тұрақты интернет болуы керек.

Егер сізге арнайы кеңес қажет болса, QAZAQ RESMI TEST-ке дайындық курстарын Қазақстан Республикасы Президентінің жанындағы Мемлекеттік басқару академиясының жоғары білікті оқытушылары жүргізеді. Бұл дайындық курстары 24, 36 сағатқа есептелген және онлайн жүргізіледі. Сабақ кестесі білім алушылармен келісіледі.

Анықтама телефондары: 8 (7172) 75-32-70
Академия сілтемесі

QRT тапсыруға техникалық дайындық

Келесі ережелерді есте сақтау қажет

Тест тапсырар алдында осы ережелерді мұқият оқып, ережелерді ескеру қажет. Егер ереже талаптары орындалмаса, тестіңіз жойылады.

1. Тест тапсыру үшін басқа адамның атын немесе жеке куәлігін пайдаланбаңыз.

2. Сіз тыныш, жақсы жарықтандырылған бөлмеде жалғыз болуыңыз керек.

3. Тест тапсыру барысында құлағыңыз көрініп, ашық болуы керек.

4. Тест тапсыру барысында құлаққапты тек тыңдалым бөлігінде ғана пайдалануға болады.

5. Камера мен микрофон қосулы болуы қажет.

6. Сіздің бетіңіз көрініп, көлеңке түспеуі керек.

Ережелер бұзылған кезде:

Егер сіз QAZAQ RESMI TEST тест ережелерін бұзсаңыз, сіздің тест нәтижелеріңіз жойылады және ақша кері қайтарылмайды.