QAZAQ RESMI TEST – қазақ тілін меңгеру деңгейін анықтаудың онлайн жүйесі.

Тест онлайн режимінде жүргізіледі. Тест тапсырушы жүйеге тіркеліп, төлемақы төлейді, сонан кейін тест жүйесіне өтеді. Тест бөліктерін өзіне ыңғайлы кез келген уақытта өте алады. Жүйе үздіксіз (7/24) жұмыс жасайды.

QAZAQ RESMI TEST тапсырудың бағасы – 10 000 (он мың) теңге.

Ол үшін qrt.kz@mail.ru поштасына мекеме реквизиттерін, қызметкерлер санын көрсетіп, өтінім жіберу қажет. Барлық бухгалтерлік құжаттар, соның ішінде, төлемақы есепшоты электронды поштаға жіберіледі. Төлемақы расталғаннан кейін мекеме қызметкерлері өздеріне ыңғайлы уақытта тест тапсырып, сертификаттарын электронды пошта арқылы алады.

Деңгейлік кесте
А1 – қарапайым деңгей: 10%-25%
А2 – базалық деңгей: 26%-50%
В1 – орта деңгей: 51%-65%
В2 – ортадан жоғары деңгей: 66%-80%
С1 – жоғары деңгей: 81%-90%
С2 – жетік деңгей: 91%-100%

QAZAQ RESMI TEST 5 бөліктен тұрады, бөліктерді ұсынылған кезекпен орындай аласыз. Бір кіргенде барлық бөліктерді орындау МАҢЫЗДЫ.
Тыңдалым - 10%
Лексика - орфография - 10%
Оқылым - 10%
Жазылым - 35%
Сұхбат - 35%
Тыңдалым – тест тапсырушы бір бейне мәтінді тыңдап, 5 тест сұрағына жауап береді, берілген уақыт – 10 минут.
Лексика-орфография – сөздің мәні мен орфографиялық нормалар бойынша 10 тест орындайды, берілген уақыт – 10 минут.
Оқылым – тест тапсырушы мәтінді оқып, 10 тест орындайды, берілген уақыт – 15 минут.
Жазылым – берілген тақырыпқа ресми-іскерлік стильде аргументті мәтін құрастырады, берілген уақыт – 15 минут.
Сұхбат – нақыл сөз бойынша құрастырылған 3 сұраққа жауап береді, берілген уақыт – 10 минут.

QAZAQ RESMI TEST 5 бөліктен тұрады, ұсынылған кезегімен орындайсыз. Барлық бөліктерді орындау МАҢЫЗДЫ, бір ретте барлық 5 бөлікті орындау керек.

QAZAQ RESMI TEST тек қана Қазақстан Республикасы Президентінің жанындағы Мемлекеттік басқару академиясы дайындайды. Оқу орнында ақылы 24, 36 сағаттық QAZAQ RESMI TEST-ке дайындық курстары жүргізіледі. Оқыту түрі жекелеме, топтық. Байланыс телефоны: 8 (7172) 75-32-70

Тыңдалым, Лексика-орфография және Оқылым бөліктерінің нәтижелерін тапсыра салысымен автоматты түрде көре аласыздар. Жазылым және Сұхбат бөліктерін сарапшылар тексеріп, нәтижесі 2 жұмыс күні ішінде жеке кабинетіңізге жіберіледі.

Жеке кабинетіңізге нәтижелермен бірге сертификат та жіберіледі. Сіз оны өзіңіздің қалаған уақытыңызда ала аласыз.

QAZAQ RESMI TEST-ті қалауыңызша бірнеше рет тапсыра беруге болады.

Сертификаттың жарамдылығы тест нәтижелері мен деңгейге байланысты.
А1 – қарапайым деңгей: 2 жыл
А2 – базалық деңгей: 2 жыл
В1 – орта деңгей: 2 жыл
В2 – ортадан жоғары деңгей: 3 жыл
С1 – жоғары деңгей: 3 жыл
С2 – жетік деңгей: Мерзімсіз