QAZAQ RESMI TEST – қазақ тілін меңгеру деңгейін анықтаудың онлайн тест жүйесі, тілдік деңгейді анықтайды.

Тест онлайн режимінде өтеді. Сіз тіркеліп, төлемақы төлеп, сонан кейін тест жүйесінен өтесіз. Тест бөліктерін өзіңізге ыңғайлы кез келген уақытта өте аласыз. Жүйе 7/24 жұмыс жасайды.

QAZAQ RESMI TEST тапсырудың бағасы – 10 000 (он мың) теңге.

Ол үшін Сіз qrt.kz@mail.ru поштасына мекеме реквизиттерін, қызметкерлер санын, сонымен қатар 1 қызметкердің тест тапсыру әрекеттерінің санын көрсетіп, өтінім жібересіз. Барлық бухгалтерлік құжаттар, соның ішінде, төлемақы есепшоты сізге поштаға жіберіледі. Төлемақы расталғаннан кейін, сіздердің қызметкерлеріңіз өздеріне ыңғайлы уақытта тест тапсырып, сертификаттарын пошта арқылы алады.

Деңгейлік кесте
А1 – қарапайым деңгей: 10%-25%
А2 – базалық деңгей: 26%-50%
В1 – орта деңгей: 51%-65%
В2 – ортадан жоғары деңгей: 66%-80%
С1 – жоғары деңгей: 81%-90%
С2 – кәсіби деңгей: 91%-100%

QAZAQ RESMI TEST 4 бөліктен тұрады, бөліктерді ұсынылған кезекпен немесе өз қалауыңызша орындай аласыз. Бір кіргенде барлық бөліктерді орындау МАҢЫЗДЫ.
Тыңдалым - 20%
Лексика - орфография - 20%
Жазылым - 30%
Сұхбат - 30%
Тыңдалым – тест тапсырушы бір бейне мәтінді тыңдап, 5 тест сұрағына жауап береді, берілген уақыт – 10 минут.
Лексика-орфография – сөздің мәні мен орфографиялық нормалар бойынша 10 тест орындайды, берілген уақыт – 15 минут.
Жазылым – берілген тақырыпқа ресми-іскерлік стильде аргументті мәтін құрастырады, берілген уақыт – 15 минут.
Сұхбат – нақыл сөз бойынша құрастырылған 3 сұраққа жауап береді, берілген уақыт – 10 минут.

QAZAQ RESMI TEST 4 бөліктен тұрады, ұсынылған кезегімен немесе өзіңіздің ыңғайыңызға қарай орындайсыз. Барлық бөліктерді орындау МАҢЫЗДЫ, бір ретте барлық 4 бөлікті орындамасаңыз, келесі күні тестілеуді жалғастыра алмайсыз, сіздің жауаптарыңыз жойылып, сертификат ала алмайсыз.

QAZAQ RESMI TEST тек қана Қазақстан Республикасы Президентінің жанындағы Мемлекеттік басқару академиясы дайындайды. Оқу орнында ақылы 24, 36 сағаттық QAZAQ RESMI TEST-ке дайындық курстары жүргізіледі. Оқыту түрі жекелеме, топтық. Байланыс телефоны: 8 (7172) 75-32-70

Тыңдалым және Лексика-орфография бөліктерінің нәтижелерін тапсыра салысымен автоматты түрде көре аласыздар. Жазылым және Сұхбат бөліктерін сарапшылар тексеріп, нәтижесі 2 жұмыс күні ішінде жеке кабинетіңізге жіберіледі.

Жеке кабинетіңізге нәтижелермен бірге сертификат та жіберіледі. Сіз оны өзіңіздің қалаған уақытыңызда ала аласыз. Сондай-ақ, жеке электронды адресіңізді тіркеп, кез-келген мекемеге жібере аласыз.

QAZAQ RESMI TEST-ті қалауыңызша бірнеше рет тапсыра беруге болады.

Сертификаттың жарамдылығы тест нәтижелері мен деңгейге байланысты.
А1 – қарапайым деңгей: 2 жыл
А2 – базалық деңгей: 2 жыл
В1 – орта деңгей: 2 жыл
В2 – ортадан жоғары деңгей: 3 жыл
С1 – жоғары деңгей: 3 жыл
С2 – кәсіби деңгей: Мерзімсіз